Zerbitzu telematikoak

Eskoriatzako Udala Gipuzkoako udalen arteko lankidetza proiektu baten partaide da. Proiektu horren baitan plataforma berri bat sortu da herritarrei Internet bidez kontsultarako hainbat zerbitzu eskaintzeko asmoz.

Nola identifikatuko naiz?

UDAL ZERBITZU TELEMATIKOETARA sartu ahal izateko, zure identifikazioa beharrezkoa da.

Bi aukera daude:

1. Sinadura digitala duen txartela (oraingoz erabilgarriak dira IZENPE, ONA eta DNI-e)
2. Udalak emango dizun gako eta pasahitz-sistema (banketxe elektronikoan erabiltzen denaren antzekoa).

 

Gakoa eta pasahitza lortzeko inprimatu ESKAERA (pdf, 221kb) dokumentua, bete, sinatu eta udaletxera ekarri, zure nortasuna egiaztatzen duen dokumentu ofizial batez lagunduta (nortasun-agiria, pasaportea, etab.). Udalak epe laburrean bidaliko dizu erabiltzaile Gakoa eta Pasahitza.

Zer egin dezaket Zerbitzu telematikoekin?

Errolda	Zure erroldako datuak kontsultatu edozein momentutan Zurekin batera bizi direnen datuak ere bai Erroldan izan dituzun mugimendu guztiak ikusi (egitasmoan parte hartzen duten edozein herritan dituzun mugimenduak barne) Erroldatze ziurtagiria eskatu. Zerbitzuak PDF formatuan emango dizu, eta udalaren sinadura digitala erantsia duenez, legezko balio osoa du.
Tasak eta zergak	Zure izenean eta indarrean dauden tasa eta zergen kontsulta (ibilgailuak, ondasun higiezinen gaineko zerga, urak, zaborrak eta estolderia, etab.) Aurreko tasa eta zergen kontsulta.
Ordainagiriak	Tasa eta zergei dagozkien eta zure izenean dauden ordainagiri guztien kontsulta. Hasieran azalduko dira ordaindu gabeak, helbideratuak egon arren (kobrantza borondatezko epearen amaieran egiten da). Ordainduta dauden aurreko ordainagirien kontsulta. Halaber, ordaindu gabe dituzun ordainagiriak. Horien ordainketa egiteko prozedura has dezakezu hemen (prozedura hau sistema seguru baten bidez egiten da, Eusko Jaurlaritzaren ordainketa-atebidea erabiliz).

Zerbitzu Telematikoetatik aipatutako kontsultak egin ditzakezu, bai Eskoriatzan dituzun datuei buruzkoak, eta baita lankidetza proiektu honetan parte hartzen duten edozein udaletan dituzun datuei buruzkoak ere.

UDAL ZERBITZU TELEMATIKOETARA sartu nahi baduzu, sakatu honako ikonoa: