Udal etxebizitza tasatua arautzeko udal ordenantza

Iragarkia GAOn.

1. artikulua.  Xedea.

Udal ordenan­tza honen xedea Eskoria­tzako udal etxe­bizi­tza tasatuen babes publikoko erregimena ezar­tzea da.  

Eskoria­tzako udal etxe­bizi­tza tasatuen babes publikoaren erregimena ezar­tzen da figura horretarako 2/2006 Legean (Euskal Autonomia Erkidegoko Lurzoruari eta Hirigin­tzari buruzkoa, 2006ko ekainaren 30ekoa) jasota dagoena gara­tzeko.

2. artikulua.  Udal Etxebizitza Tasatuaren kontzeptua.

Eskoria­tzako udalerrian, udal etxe­bizi­tza tasatu­tzat hartuko dira, sal­tzeko edo aloka­tzeko prezioa mugatuta dutenez eta ordenan­tza hauetan ezarritako gainerako betekizunak bete­tzen dituztenez, Udalba­tzak halako­tzat ­jotzen dituen etxe­bizi­tzak. Udal etxe­bizi­tza tasatuen izaera etxe­bizi­tza bakoi­tzari atxi­kitako garajeetara eta trastelekuetara ere heda­tzen da.

Babes mota hau jasoko dute hauek:

a) Elementu igualekin osatutako eraikun­tza mul­tzo erresiden­tziala osa­tzen duten etxe­bizi­tzak, eskape osoak, honako suposamendu hauetan:

• a.— Berariaz erabilera honetarako kalifikaturiko lurzoruetan egitea.
• b.— Lorzoru erresiden­tzial libreetan egitea, akordioa edo hitzar­mena eginez promotorearen eta Udale­txe­aren artean.    
• c.— Udal jabe­tza­peko lurzoruetan egitea, lurzoru horiek honela lortu direnean: Jabekideek (komunitateak) plusbalia urbanistikoetan daukaten partea izanik ().

b) Elementu igualekin osatutako eraikun­tza mul­tzo erresiden­tziala osa­tzen duten etxe­bizi­tzak, eskape osoak, ez izanik ere, erregimen honetan sartu behar dutenak, honako arrazoiren batengatik:

• a.— Etxe­bizi­tza bihurtutako lokal komer­tzial bat izatea, Ordenan­tza honetan esaten den baldin­tza eta neurriekin.           

3. artikulua. Motak.

Eskoria­tzako udal etxe­bizi­tza tasatuak bi eratakoak izango dira:

• Erregimen orokorreko udal etxe­bizi­tza tasatuak.    
• Erregimen bereziko udal etxe­bizi­tza tasatuak.        

Erregimen bereziko udal etxe­bizi­tza tasatuek babes ofizialeko etxe­bizi­tza tasatuak ordez ditza­kete, Euskal Autonomia Erkidegoko Lurzoruari eta Hirigin­tzari buruzko 2/2006 Legean (2006ko ekainaren 30ekoa) jasota dauden ­gutxieneko estandarrak bete­tze aldera.

4. artikulua.  Eskoriatzako Udal Etxebizitza Tasatuen baldintza orokorrak.

Eskoria­tzako udal etxe­bizi­tza tasatuek ezin izango dute 90 m² (s) baino gehiagoko azalera erabilgarria izan; salbuespena izango dira, bereziki familia ugarien­tzat direnak, edota kidetako bat elbarria –mugi­tzeko ahalmen murritz iraunkorra duena- duten familien­tzat direnak; gehienez azalera 120 m² (s) dutenak.

Familia ugarien­tzat eta elbarrituen familien­tzat diren etxe­bizi­tza kopurua, udal etxe­bizi­tza tasatuen erregimena kalifika­tzeko akordioan zehaztuko da.

Udal etxe­bizi­tza tasatu guztiek aparkaleku plaza eta trastelekua izango dute atxi­kita. Bi horien azalerak ezingo ditu izan, hurrenez hurren, 30 m² (s) eta 10 m² (s) erabilgarri baino gehiago. Etxe­bizi­tzari atxi­kiak direla jaso beharko da Jabe­tza Erregistroan.

Udal etxe­bizi­tza tasatuek, garaje eta trastelekuekin batera, autonomia erkidegoko Administrazioak babes ofizialeko etxe­bizi­tza tasatuetarako ezarritako baldin­tza teknikoak zein diseinuko baldin­tzak bete beharko dituzte, eta, baldin­tza horiek ezar­tzen ez diren bitartean, erregimen orokorreko babes ofizialeko etxe­bizi­tzei eska­tzen zaizkienak bete beharko dituzte.          

Hala ere, baldin­tza tekniko eta diseinuzko hauek ez dira exijituko, etxe­bizi­tza promozioa hau denean, hots, erabilera erresiden­tzial librea duten lurzoruetan egindakoa; baldin eta Ordenan­tza hau indarrean jarri aurretik hasi baldin badira promozio horiek; eta beste hau denean: Lokalak etxe­bizi­tza bihur­tzen direnean edo etxe­bizi­tza bat bitan edo gehiagotan zati­tzen denean. Etxe­bizi­tza bihur­tzen den lokala denean, ez da gehienez 90m2 erabilgarri (s) izango azalera, baina inola ere ezin du 120 m² (s) erabilgarritik pasa. Eta ez da lotuta joango etxe­bizi­tza, aparkaleku plaza eta trastelekuari.

5. artikulua.  Erregimen Orokorreko Udal Etxebizitza Tasatuen baldintza zehatzak.

Udal etxe­bizi­tza tasatu guztietarako izaera orokorrarekin ezarrita dauden baldin­tzez gain, erregimen orokorreko udal etxe­bizi­tza tasatuek honako baldin­tza hauek bete beharko dituzte:

1. Erregimen orokorreko udal etxe­bizi­tza tasatuen eta haiei atxi­kitako garajeen eta trastelekuen gehieneko salmenta prezioak ezingo du gainditu 2 indizea, edozein Administraziok sustaturiko etxe­bizi­tze­tarako behin-behineko udal kalifikazioa lor­tzeko unean, indarrean den erregimen orokorreko babes ofizialeko etxe­bizi­tzen gehieneko prezioari dagokionez. Udalak eratu eta lagatako azalera eskubide baten ondorioz enpresa publikoek edo partikularrek susta­tzen dituzten etxe­bizi­tzek ere baldin­tza hori bete beharko dute. Sustapen pribatuko etxe­bizi­tzen kasuan 2,2 indizera iri­tsi ahalko da.

2. Alokairuaz den bezainbatean, erregimen orokorreko udal etxe­bizi­tza tasatuen urteko errenta, etxe­bizi­tza horien gehieneko salmenta prezioaren % 2,5 izango da gehienez.

3. Erregimen orokorreko udal etxe­bizi­tza tasatuen onuradunen gehieneko diru sarrera haztatuak, Euskal Autonomia Erkidegoko araudian jasotakoarekin bat kalkulaturik, ezin dira 1,5 indizea baino handiagoak izan, erregimen orokorreko babes ofizialeko etxe­bizi­tzak eskura­tzeko indarrean diren gehieneko diru sarrerei dagokienez.

4. Erregimen orokorreko udal etxe­bizi­tza tasatuen onuradunen ­gutxieneko diru sarrera haztatuak ezin dira izan 12.000 € baino txi­kiagoak.

6. artikulua.  Erregimen Bereziko Udal Etxebizitza Tasatuen baldintza zehatzak.

Udal etxe­bizi­tza tasatuetarako oro har ezarrita dauden baldin­tzez gain, erregimen bereziko udal etxe­bizi­tza tasatuek honako baldin­tza hauek bete behar dituzte:

1. Erregimen bereziko udal etxe­bizi­tza tasatuen gehieneko salmenta prezioa, babes ofizialeko etxe­bizi­tza tasatuei autonomia erkidegoan aplikagarri zaien arauek ezarriko dute. Nolanahi ere, ezingo dute gainditu 1,7 indizea, udal kalifikazioa eskura­tzen den unean, indarrean den erregimen orokorreko babes ofizialeko etxe­bizi­tzen gehieneko prezioari dagokionez.

2. Alokairuaz den bezainbatean, erregimen bereziko udal etxe­bizi­tza tasatuen urteko errenta, etxe­bizi­tza horien gehieneko salmenta prezioaren % 2,5 izango da gehienez.

3. Erregimen bereziko udal etxe­bizi­tza tasatuen onuradunen gehieneko diru sarrera haztatuak, Euskal Autonomia Erkidegoko arautegian jasotakoarekin bat kalkulaturik, ezin dira 1,3 indizea baino handiagoak izan, erregimen orokorreko babes ofizialeko etxe­bizi­tzak eskura­tzeko indarrean diren gehieneko diru sarrerei dagokienez.

4. Erregimen orokorreko udal etxe­bizi­tza tasatuen onuradunen ­gutxieneko diru sarrera haztatuak ezin dira izan 12.000 € baino txi­kiagoak.

7. artikulua.  Udal Etxebizitza Tasatuak sustatzeko erak.

Eskoria­tzako udal etxe­bizi­tza tasatuak, edozein motatakoak izanik ere, honako hauek sustatu ditza­kete:

a) Udalak berak zuzenean.

b) Etxe­bizi­tzari buruzko Entitate Publiko Enpresariala.

c) Udalak bere titulartasuneko lursailen azalera eskubidea –eraiki­tze aldera- laga­tzen dien enpresa publiko edo pribatuek.           

d) Kooperatibek edo enpresa pribatuek, beren jabe­tza­peko lurretan.

e) Beste administrazio publiko ­batzuek nahiz haien tresna erakundeek, eta kooperatibek edo enpresa pribatuek.

Lurzoru eta Hirigin­tzari buruzko ekainaren 30eko 2/2006 Legeko Zor­tzi­garren Xedapen Gehigarriak ezar­tzen duenez, Eusko Jaurlari­tzak edo honi lotutako entitateek Udal Etxe­bizi­tza Tasatuak egiteko kalifikaturik dauden par­tze­lak baldin badauzkate, Babes Ofizialeko Etxe­bizi­tzak edo Babes Ofizialeko Etxe­bizi­tza Tasatuak egin daitezke.

8.  Udal Etxebizitza Tasatuak uzteko epeak.          

Udalak enpresa erakunde publikoaren bitartez sustatutako edota udalak azalera eskubidea –eraiki­tze aldera– laga­tzen dien enpresa publiko edo pribatuek sustatutako udal etxe­bizi­tza tasatuen lagapena alokairuan edo lurrazaleko jabe­tzan egingo da, edo osoko jabe­tzan edo zuzenbideak baimendutako beste era batean. Beste Administrazio ­batzuek edo haien tresna erakundeek eta kooperatibek edo enpresa pribatuek beren jabe­tza­peko lurretan sustatutako udal etxe­bizi­tza tasatuak jabe­tza osoan laga daitezke, lurzoruaren hirigin­tza kalifikazioak edo Udalarekin egindako hitzar­men batek beste zerbait ezarri ezean.

Enpresa publiko edo pribatuek sustatutako udal etxe­bizi­tza tasatuen lagapena alokairuan egiten bada, Udalak lurzoruaren jabe­tza –osoa edo zatia- pasa­tzen badie, alokairuak 15 urtekoa izan behar du ­gutxienez. Urte horiek igarotakoan, saldu egin dakieke, babestutako etxe­bizi­tza eske daudenenei, kalterik egin gabe 2/2006 legean ezarrita dauden administrazio Publikoen aldeko eskubideei (lehentasunez erosteko eskubidea eta ­atzera eskura­tzeko eskubidea).    

9. artikulua.  Udal Etxebizitza Tasatuen onuradunentzako baldintzak.

Udal etxe­bizi­tza tasatuaren onuradun izateko (onuradun­tzat, bizikide­tza unitateko kide guztiak hartuta) ­gutxienez batek adinez nagusia izan behar du. Bizikide­tza unitate­tzat ez da hartuko adiskidetasun edo komenien­tziak eragindakoa, eta etxe­bizi­tza­ren jabekide izan behar dute adinez nagusi diren bizikide­tza unitateko kide guztiek, seme-alabak izan ezik.        

Udal Etxe­bizi­tza Tasatuko onuradun guztiek bete beharko dute beste etxe­bizi­tza­rik ez izatearen baldin­tza, eta ezingo dute etxe­bizi­tza­rik izan ez jabe­tzan (jabe­tza osoa edo lurrazalekoa), ez bizi arteko gozamen eskubide errealaren bidez. Hori guztia beteko da etxe­bizi­tza­ren beharra defini­tzen duen autonomia erkidegoko arautegian zehaztuta dauden salbuespenak ain­tzat hartuta edota lehendik duten etxe­bizi­tzak bete­tzen ez dituenean Udal Ordenan­tzako ­gutxieneko etxe­bizi­tza programan jasota dauden baldin­tzak.

Gainera, udal etxe­bizi­tza tasatuaren onuraduna izan ahal izateko, bizikide­tza unitateko kideetako batek, ­gutxienez, honako baldin­tza hauetako bat bete behar du ­gutxienez:

a)  Azken 2 urteetan Eskoria­tzan erroldatuta egotea eta Eskoria­tza ohiko bizitokia izatea.         

b)  Debagoieneko eskualdeko beste herriren batean erroldatuta egotea, eskain­tza handiagoa denean eskaria baino.        

10. artikulua.  Kalifikazioa.

Bai erregimen orokorreko udal etxe­bizi­tza tasatuaren kalifikazioa, bai erregimen bereziko kalifikazioa Tokiko Gobernu Batza­rraren ebazpenaren bidez ezarriko dira, susta­tzaileak eskatuta.

Hirigin­tza plangin­tzan berariaz erabilera horretarako kalifikaturiko lurzoruetan susta­tzen diren etxe­bizi­tzen behin-behineko kalifikazioarekin batera, eraiki­tzeko baimena eskuratu behar da, eta ez da baimen hori emango ez baldin bada eska­tzen edota kalifikazioa ez bada egoki­tzat ­jotzen.

Etxe­bizi­tzen Behin-behineko Kalifikazioa, etxe­bizi­tza bihur­tzen diren lokalena, egiten denean, aldi berean obrak egiteko lizen­tzia behar da. Lizen­tzia hau ez da emango, eska­tzen ez bada, edota Kalifikazioa egokia ez bada.   

Behin-behineko kalifikazioaren dokumentuan etxe­bizi­tza bakoi­tza­ren gehieneko salmenta prezioa zehaztuko da, garaje eta trasteleku atxi­kiak ain­tzat hartuta. Eta baita, zenbat etxe­bizi­tza izango diren familia ugaria eta/edo elbarrien­tzat.

Lehen erabilerako hirigin­tza lizen­tzia eskura­tzeko, beharrezkoa izango da, aldez aurretik edo aldi berean eta susta­tzaileak hala eskatuta, erregimen orokorreko edo erregimen bereziko udal etxe­bizi­tza tasatu direla adierazten duen behin betiko kalifikazioa eskura­tzea. Horrez gain, egiaztatu egin beharko da etxe­bizi­tza behin-behineko kalifikazioan zehaztutakoaren arabera egin dela.

Hirigin­tza plangin­tzak berariaz erabilera horretarako kalifikatu ez dituen lurzoruetan susta­tzen diren etxe­bizi­tzak udal etxe­bizi­tza tasatu­tzat jo ahal izango dira edozein unetan, eta kalifikazioa lortutakoan, udal etxe­bizi­tza tasatuen erregimen juridikoa aplikatu ahal izango zaie.           

Hiru hilabetero, Udalak jakinarazi egingo du zein promozio edo etxe­bizi­tze­tarako eman diren kalifikazio behin-betiko edo behin-behinekoak, komunikazio formala bidaliz Eusko Jaurlari­tzan Etxe­bizi­tzaz ardura­tzen den sailari.        

11. artikulua.  Udal Etxebizitza Tasatuaren kalifikazioaren ondorioak.

Legeak xedatutakoaren arabera, udal etxe­bizi­tza tasatu gisa kalifikatutakoak, garaje eta trasteleku atxi­kiak barne, etxe­bizi­tza babestu­tzat kalifikatuko dira behin betiko. Ondorioz, behin betiko egongo dira lotuta eskualda­tzeko gehieneko prezioari (ordenan­tza honetan zehazten da), eta lehentasunez erosteko eta ­atzera eskura­tzeko eskubideei (lehenik eta behin, Udalaren edo administrazio jardulearen alde, eta, nolanahi ere, Autonomia Erkidegoko Administrazio orokorraren alde, subsidiarioki).       

Bizien artean bigarrenez edo aldi gehiagotan eskualdatutako udal etxe­bizi­tza tasatuen gehienezko prezioa hau izango da: Kalifikazioan jar­tzen den indizearen araberakoa. Kontuan har­tzen da, erregimen orokorreko babes ofizialeko etxe­bizi­tzen­tzat indarrean dagoen gehienezko prezioa (transmisioa egiten denean indarrean dagoena).

Etxe­bizi­tzak lurrazaleko jabe­tza­ren erregimenean laga­tzen baldin badira, bigarren eskualda­tze­etan nahiz geroagokoetan, prezioa hau izango da, gehienez, hasierako erosketan ordaindutakoa, kon­tsumo prezioen indizearen aldaketak aplikatuz eguneratuta, eta honako kopuru hauek kenduta:

• Urteko %0,5 lehen 30 urteetan.
• Urteko %1 hurrengo 20 urteetan.
• Urteko %2,6 azken urteetan.

Aurreko paragrafoan esaten dena esan arren, ondasun higiezinean egin diren hobekun­tzek eta manten­tze lanek (halakorik egin bada), handitu egingo dute besteren­tze prezioa, baldin udal Administrazioak ondorio horietarako aurrez onartu baditu –kreditatutako beharra delako eta ez kapri­txo ­hutsa–, haien balioztapena eta balio galera zehaztuta.

12. artikulua.  Lehentasunez erostea eta atzera eskuratzea.

Udal etxe­bizi­tza tasatuen titularrek, edozein dela ere haien erregimena, Udalari edo administrazio jarduleari eta autonomia erkidegoko Administrazio orokorrari –lehentasunez erosteko eta ­atzera eskura­tzeko eskubideen titular subsidiarioa den aldetik– jakinarazi beharko die besteren­tzeko erabakia. Lehentasunez erosteko eskubidea gauzatu ahal izan dadin, honako hauek ere adierazi beharko ditu: Aurreikusitako prezioa eta ordainketa modua, aurreikusitako eskualda­tze­aren gainerako oinarrizko baldin­tzak, eta jakinarazpenak jaso­tzeko helbidea. Eskubide hori gauzatu ahal izango da bi hilabeteko epean, jakinarazpena Udalaren edo administrazio jardulearen erregistroan eta autonomia erkidegoko Administrazio orokorraren erregistroan sartu eta hurrengo egunetik konta­tzen hasita.

Aurreko paragrafoan adierazitako epean ez bada lehentasunez erosteko eskubidea gauza­tze­ari buruzko berariazko ebazpenik jakinarazi, aurreikusitako besteren­tzea libreki gauzatu ahal izango da.

Artikulu honetan eskatutako jakinarazpena ez bada egin, legez nahitaezkoa den artikulu horretako edukiren bat ez bada adierazi, edo eskualdaketarengatik ordaindutako diru kopurua txi­kiagoa bada edo baldin­tzak kostubide ­gutxiagokoak badira dagokion administrazioari jakinarazitakoak baino, Adminis­trazio horrek ­atzera eskura­tzeko eskubidea gauzatu ahal izango du bi hilabeteko epean, besteren­tze­aren ezagu­tza osoa izan eta hurrengo egunetik hasita.

13. artikulua.  Kontratuen oniritzia.

Udal etxe­bizi­tza tasatuak laga­tzeko kontratu guztiek, erabateko jabe­tza­koak, lurrazaleko jabe­tza­koak direnek zein alokairuan daudenek, udal administrazioaren oniri­tzia jaso beharko dute. Oniri­tzi­rik gabe, ezingo dira Jabe­tza Erregistroan sartu.          

14. artikulua.  Jabetza-Erregistroan erregistratzea.

Udal etxe­bizi­tza tasatu gisa behin betiko kalifikazioan jasoko da etxe­bizi­tzen –eta etxe­bizi­tzei atxi­kitako garajeen eta trastelekuen– erregimena eta gehienezko prezioa. Udalak kalifikazio hori jakinaraziko dio dagokion Jabe­tza Erregistroari, eragindako ondasunetan jasota gera dadin eta erregistroaren publikotasuna era egokian egin dadin. Alde batetik, lehentasunez erosteko eta ­atzera eskura­tzeko eskubideari (Udalaren edo administrazio jardulearen alde, edo subsidiarioki, autonomia erkidegoko Administrazio orokorraren alde) aplikatuko zaio erregistroaren publikotasuna. Bestetik, ordenan­tza honetan ezarritako eskualda­tzeko gehienezko prezioari era iraunkorrean atxi­kita egoteko duten mugari aplikatuko zaie.

15. artikulua.  Babestutako Etxebizitzen Erregistroan erregistratzea.

Eusko Jaurlari­tza­ren mendeko den Babestutako Etxe­bizi­tzen Erregistroan erregistratuko ditu Udalak UET erregimenean (Udal Etxe­bizi­tza Tasatua) sustatutako etxe­bizi­tzak. Erregistro honetan agertu behar dute, etxe­bizi­tza hauen kalifikazio behin-behinekoa eta behin-betikoa, esanez zein den babes publiko mota eta zein­tzuk diren adjudikazioaren eta adjudikazio-har­tzailearen baldin­tzak; hori guztia, Erregistroari adieraziz aurreko paragrafoan ezarritako kontratuen gaineko oniri­tzia.

16. artikulua.  Udal Etxebizitza Tasatua esleitzeko prozedura.

Udal Etxe­bizi­tza Tasatuak, etxe­bizi­tza bihurtutako lokalak direnean, legezko jabeenak izango dira. Susta­tzen diren etxe­bizi­tzak, atari osoak direnean, ondorengo paragrafoetan esaten den eran adjudikatu behar dira.           

Nolanahi ere, Udalak, hitzar­men bidez, adjudikazio prozedura egitea Eusko Jaurlari­tzari eman diezaioke, erakunde biek hitzar­tzen duten eran.    

Udal etxe­bizi­tza tasatuak udal sustapenetan edo sustapen pribatuetan eslei­tzeko prozedura –Udalak azalera eskubidea laga­tze­tik etorriko dira esleipen horren eskubideak– zozketa bidezkoa izango da. Zozketa horretan parte hartu ahal izango dute hurrengo artikuluan aipatutako udal erregistroan sartuta dauden eta ordenan­tza honetan zein deialdi bakoi­tze­rako onartutako oinarrietan eskatutako baldin­tzak bete­tzen dituztenek. Udalba­tza­rrak ezarriko ditu deialdi bakoi­tze­rako oinarriak, publizitate eta gardentasunaren, lehia askearen eta diskriminaziorik ezaren prin­tzi­pioak beti bermatuz. Nolanahi ere, zozketa deialdia jendaurrean jarri beharko da. Hori dela eta, zozketa eta haren oinarriak Gipuzkoako Aldizkari Ofizialean argitaratu beharko dira, eta zozketa bera udaleko idazkariaren aurrean edo ordezko gisa fede-emaile publiko denaren aurrean. Prozedura honi berari jarraitu ahal izango zaio Udalarekin hala hitzar­tutako sustapenetan.     

Gainerako sustapen pribatuetan ere zozketa bidezkoa izango da udal etxe­bizi­tza tasatuak eslei­tzeko prozedura. Zozketa horretan parte hartu ahal izango dute hurrengo artikuluan aipatutako udal erregistroan sartuta dauden eta ordenan­tza honetan zein deialdi bakoi­tze­rako onartutako oinarrietan eskatutako baldin­tzak bete­tzen dituztenek. Oinarriok garaiz jakinaraziko dira eta prozesu osoan zehar errespetatuko dituzte aurrerago aipatu diren publizitate eta gardentasunaren, lehia askearen eta diskriminaziorik ezaren prin­tzi­pioak. Nolanahi ere, zozketa deialdia jendaurrean jarri beharko da. Hori dela eta, zozketa eta haren oinarriak Gipuzkoako Aldizkari Ofizialean argitaratu beharko dira, eta zozketa bera fede-emaile publikoaren aurrean egin beharko da.

Udala ez beste susta­tzaile publikoen kasuan, haiek ezarriko dute esleipen prozedura, betiere publizitate eta gardentasunaren, lehia askearen eta diskriminaziorik ezaren prin­tzi­pioak betez.       

Udal etxe­bizi­tza tasatuak eslei­tzeko egingo diren zozketen oinarrietan, kupoak ezarri ahal izango dira. Horrek erraztu egingo du etxe­bizi­tza kopuru jakin bat etxe­bizi­tza eskura­tzeko zailtasun edo beharrizan bereziak dituen gizarte talderen bateko per­tso­nei eslei­tzea. Halere, oinarri hauetan, kupo hauek jarriko dira ­gutxienez:

a) Elbarrien­tzako kupoa, egokitutako etxe­bizi­tza­rik baldin badago.

b) Gazteen kupoa, 35 urte artekoentzat.

c) Famili ugarien kupoa.

Salbuespen gisa, sustapen bakoi­tzeko zozketatik etxe­bizi­tza kopuru bat bereiztea erabaki daiteke, Udalak beharrizan sozialei alokairu tutelatuen bidez edo prekarioan lagata eran­tzuna eman diezaien. Hori guztia bizilekua berriro har­tzeko eskubideari kalterik egin gabe; horretarako etxe­bizi­tzak ez dira zozketatuko.  

17. artikulua.  Udal Etxebizitza Tasatuaren eskatzaileen erregistroa.

Udalak erregistro iraunkorra mantendu dezake, erregimen bereziko udal etxe­bizi­tza tasatuak eska­tzen dituzten horiena. Halere, Udalak, hitzar­men bidez, Eusko Jaurlari­tzari eman dakioke lana, ETXE­BIDE sistemaren bidez eska­tzaileen zerrenda egin eta egunera­tzeko.

Erregimen orokorreko udal etxe­bizi­tza tasatuak gura dituzten eska­tzaileen zerrenda, adjudikazio-prozedura bakoi­tzean egin eta berrituko da, eta eginkizun hori susta­tzailearena izan daiteke edo Udalarena.

18. artikulua.  Bizilekutzat hartzeko betebeharra.

Udal etxe­bizi­tza tasatuak ohiko bizileku iraunkorra izan behar du jabe edo maizterren­tzat, eta ezin dira inola ere beste ­batzuengana pasa, ezin dira ­hutsik geratu, ezin dira bigarren bizileku izan eta ezin dira bizi­tzeko ez den beste zerbaitetarako erabili.

Udalak eskumena du aurreko paragrafoan esandako horiek egiazta­tzeko. Aurreko baldin­tzak bete­tzen ez badira, kontratua bertan behera geratuko da eta eskumena izango du Udalak desjabetu edo espropia­tzeko. Ikuskatu, zigortu eta desjabe­tzeko eskumena Eusko jaurlari­tzari eman dakioke, hitzar­men bidez, administrazio biek hitzar­tutako eran.

Salerosketa edo errentamendu kontratua egiteko eskriturak sinatutakoan, bi hilabeteko epean egin behar da etxe­bizi­tza horretan trasladoa eta errolda­tzea. Hori egiten ez bada, Udalak edo subsidiarioki Eusko Jaurlari­tzak, lehentasunez erosteko eskubidea eta ­atzera eskura­tzeko eskubidea izango du, zigorra ezarriz gainera. Etxe­bizi­tza­ren eta honi eran­tsi­takoen eskritura­tze balioaren %30a hainbat izango da isuna, atzera­tzen den hilabete bakoi­tzeko.

Xedapen Gehigarria.

Desjabe­tze edo berdinbana­tze prozesuetan balioztapenak egiteko, lur hiritartuaren kostuaren gehieneko jasanarazpenak ezingo du gainditu udal etxe­bizi­tza tasatuaren gehieneko salmenta prezioaren %30 (Erregimen bereziko udal etxe­bizi­tza tasatuak direnean) eta %30 /Erregimen orokorreko udal etxebizitza tasatuak direnean). Beste daturik ezean, balio berekotzat joko dira hiritartu gabeko lurraren balioa eta etxebizitza horien hiritartze kostuak.

Xedapen Indargabetzailea.

Indargabetuta geratzen da ordenantza honi kontra egiten dion ordenantza edo udal xedapen oro, maila bereko edo beheragoko izan.

Eta indargabetuta geratzen da, indarrean dagoen udal ordenantza, hiri lurzoruko bizitegi-eremu finkatuetan lokalen erabilera etxebizitzara aldatzeko diren jardunak arautzeko ordenantza alegia, baldin eta esku artean daukagun ordenantza honi kontra egiten badio.

Lehen Azken Xedapena.

Ordenantza honek aurreikusi ez duen orori dagokionez, eta ordenantzaren garapenen edukiak ere kontuan hartu beharko direla, autonomia erkidegoan babes publikoko etxebizitzei buruz indarrean den araudia aplikatuko da.

Bigarren Azken Xedapena.

Ordenantza hau indarrean sartuko da haren behin betiko onarpena eta testua Gipuzkoako Aldizkari Ofizialean argitaratu eta hurrengo egunean. Eta haren ondorioak hedatuko dira etxebizitza tasatuetarako erreserbak aurreikusi dituzten hiri antolamenduko planetara, aurrez izapidetuta eta onartuta egon arren.