Euskara hutsezko errotuluak jartzeko diru laguntzak

1. Diru laguntza jaso ahal izateko, honako baldintza hauek bete beharko dira:

Errotulua jartzeko baimena izatea.
Errotulua euskara hutsean egotea.
Errotuluan jardueraren izena agertzea (hau da, taberna, jatetxea,...).
Testua zuzen idatzita egotea.

2. Eskariarekin batera honako dokumentazioa aurkeztu beharko da:

• 2.1. Eskaera-orria behar bezala beteta (II. Eranskina)
• 2.2. Jarriko den errotuluaren testu eta diseinu proposamena. Dagoeneko errotulua jarrita badago, haren argazkia.
• 2.3. Gastuaren aurrekontua edo faktura (gastua eginda dagoenean).

3. Emango den diru laguntza, errotuluaren kostu osoaren %30 artekoa izango da, gehienez 300 euroko mugapean.

4. Ordainketa: Diru laguntza ordainketa bakarrean ordainduko da, interesdunak dagokion dokumentazio guztia aurkeztu eta gero.